| ***gm0rah's profile★. • ஐn0o0naஐ • .★PhotosBlogLists |  Tools  Help |
|
January 10 ×.. كل عــامـ والجميـــع بخيـــر ..×  كل عام وأنتم بخير
وعاد لاتنسونا يالسبيسات الي جنبنا من اللحمان
 ترا مانرضى الا بـ يد ولا رجل عاد شوفوا وش الأحسن عطونا أياه
 December 27 ♥ واتسبدييييييييييييييه تسبداه
يالله حيهم
أخباركم
وأخبار الأمتحانات ياللي تمتحنون
وأخبار الشخير يالي على بالهم ماخذينها عطله تجريبيه
 أنا مشكلتي تكمن في ان صقيقاتي كلهم فاشلين وداخلين أقسام أدبيه ومهنا إمتحانات عملي ولا شئ يقعدون حول الشهر بالبيت
 وأنا ياقلبي قلبي من بداية هالأسبوع وأنا مغير أمتحن
 واليوم عندي أووف
والمفروض أني أذاكر فيه بس عناد فيهم مافيه مذاكره  اجل حاطين الأوف قبل إمتحان مهوب صعب المهم بأني أني اليوم أووف ومهنا مذاكره
بخربط عليكم وبهرج عن إمتحاناتي الي راحت  السبت
كان علينا إمتحان طحالب ،، وهي مادتن مهيب صعبه بس طويله
معنا 18 طحلب أذاكر فيها رسماتها وتقسيمها وخصائصها الإربعاء طبعاً مارحت للمزرعه وكل من سألني ليه ،، قلت هاااو أذاكر وراي إمتحان السبت
 وأنا من عقب صلاة المغرب على النت لين الساعه 9 بعدين ذاكرت شوي لين مليت ورجعت للنتيوم جت الساعه 12 ليني خلاص ماعاد أشوف دربي ،، رحت أخمد
وخلصت ذاك اليوم 10 طحالب بدون الخصائص
  ويوم الخميس ماعرفت أذاكر مثل أي خميس في حياتي منيب أعرف أذاكر فيهأذاكر الأربعاء والجمعه بس
والجمعه قبل المغرب بشوي ليني ماشاء الله علي خلصت الماده
لو تسألني الفيوشيريا بأي قسم قلت هاااااااه يمكن الحمراءودي اعرف وشلون الناس تذاكرونمت بدري
11وقمت مع أخواني الساعه 6 ونص طبعاً إمتحاني كان السااعه
قمت فازه ،، قمت أوسوس مثل العاده خيلت إمتحاني 7 ونص
وانقز اشوف مواعيد الإمتحان لقيته 11
واستهديت بربي وقمت تروشت وأفطرت وكنت راااااايقه البيت هاااااااااادي
محد فيه ،، وصورت لكم فطوري
 من زود الشفاحه مصلحه لي خبزتين كلت وحده ونص وقحنت نسكافتي كلها
راجعت وذاكرت وانا عيوني بالساعه احس إن الإمتحان بيفوتني مدري ليه بعدين يوم جت 8 ونص رحت استشورت كشتي وترنت شوي يوم جت عشر الا ربع رحت وتزبرقت وتزينت بعنف لدرجة ني استحيت أروح للكليه
 طبعي أنا لا جت الإمتحانات توني أتذكر أني بنت ولازم أتزين
ورحت للكليه وامتحنت الحمد لله
ماكان الأمتحان صعب بس طوووووووووويل
ومن زود تناحتي ،، بكتب على الكشف التاريخ كتبته 22\11\1425 هـ بكل فهاوهيوم وصلت للسؤال الأخير مليت بغيت أنهبل ،، قلت خلاص هونت ماعاد أبي أمتحن
 كان ودي أصرخ قلت بصوت عالي استغففففففر الله يقالي أمووهومثل العاده أول من سلم ورقته انا وطلعت في حوش كليتنا الوعه
الأحــــــــــد
كان علي إمتحان فسيولوجي حيوان عام *علم وظائف الأعضاء*
جيت من البيت عقب الطحالب وكنت تعبانه فيني النوم
رقدت رقدت أبي أنوم مافي أمل
وبعد تضارب دام حوالي الساعه نمت الساعه ثلاث وقمت 4 وخمس
قمدت وأنا متكسمره ماشبعت نوم
ذاكرت مذاكره طييييياره وقلت بنام بدري وأقوم الفجر أراجع
إمتحاني كان الساعه 7ونص
يوم جت الساعه 7 ونص عقب العشاء قلت بروح أرقد الحين
ووقت المنبه على الساعه 4 ونص يقالي بقوم أ راجع
وجهزت بالطووي وأنابيبي
 وطفيت النور بناااام
أبي النوم يجي أبيه يجي مافي أمل
وأتقلب منا منااااااااااك مافي امل
يوم جت الساعه 8 ونص قمت رحت لأهلي قلت جيبوا لي منوم
بس محد عطاني وجه
قلت بروح أراجع شوي من افتح الدفتر وأنا فمي بيتشقق من التثاوب
وارقد ومافي أمل أنوم
قلت أخبر أن الشوكلاطمات تخفف من الإكتئاب ويمكن تجيب النوم
واروح اترنت وأقرش من هالشوكلاطمات وأذاكر سوا
ثلاثه في واحد  ماش أحسني مره مكسله وبي نووووووووووم ورقدت برضوه مافي أمل أنام
قلت جعله الي منيب قايله
قالت أمي مين
قلت كاني أحب جعل الي أحبه يمووت كانه سبب أرقي
قلت مالي إلا أسوي شئ ماهوب مذاكره ولا ترنته
وش أسوي وش اسوي
قلت بس قعدت أشيل شعر رجليني ،، وأقصقص أظافر رجليني وأبردها وأتدهن
وتسكعت بالبيت لين جت الساعه 12 إلا ربع
قلت خلاص عاد لازم أرقد
وأقعد على سريري مهنا آيه حافظتها ماقريتها ومهنا وسواس ماوسوست فيه
لدرجة أني قمت أسوي مثل أفلام كرتون قمت أتخيل خواريف تنطط فوق راسي وأعدهم ويوم وصلت 73 ملييييييت
قلت ياحرمه لس الا 150 بعدها ترنتي اتفقنا
وكانت الساعه وحده وخمس أو عشر
وشوي إلا أنا نايمه
وقمت الفجر راجعت قلت لي مامي أصلح لس فطور قلت أهم شئ ماابي نسكافه أحسها سبب أرقي
وأكلت كورن فليكس
ولبست وانطلقت لكليتي الوعه
ودخلت للامتحان
وصار طريقته كشف عن أنزيم وتحديد مرض
يوم عطتني الشسمه الي نبي نحدد مرضه الا به قطع تجيب القرف
قلت شكله زلال
المهم واكشف عن الزلال وطلع صح فيه زلال
على بالي وبكل برائه أنه يمكن يصير به اكثر من مرض
وسويت الكشف عن السكر وماطلعت
وأبي اسوي تجربة الاسيتون إلا أنوبتي تخلص
وأروح لها اقولها عبيها لي
طالعت الأنبوبه قالت سويتي كل التجارب
قلت له وبرائتي تطلع من خشمي مهوب عيوني بس
باقي تجربة الأسيتون ماصلحتها
عطتني نظره وأنقلعت
وشوي جتني بأنبونه مليانه
قالت أنت متأكده أنس سويتي التجارب
وبفهاوتي وبرائتي المعهوده قلت بس باقي الأسيتون
عضت على برطمها ونفخت فيني نفخه
قالت شوفيه واضح قبل الكشف
الترسبات فيه قبل ماتسوين التجربه
أنا أنخرشت قلت لها إن شاء الله
رحت وعدت تجربة الزلال وطلعت صح
وجيت بأكبها وزأرت فيني زأره : انا شفتها عشان تكبينها
وأنا الي تخنقني العبره وأعيد التجربه وأنا أحاسيسي مبعثره
ووصلت بيتنا الساعه 10 وكنت خايفه من الأرق
بس الحمد لله نمت وقمت ثنيتن وانبسطت اني نمت وغمضت بسرعه كني بزر عشان مايطير باقي النوم
وربي حسيت النوم نعمه
الأثنين
كان علي أصعب إمتحان
ماده تخوووف كيمياء أنسجه
النظري حقها طويل ويبي له مذاكره ،، والبلى الجزء العملي منها
أنس تصلحين مسحة دم وتشوفينه تحت المجهر
ذاكرت الحمد لله ،، بس كنت أوسوس بالشريحه
بيطلع فيني دم ولا لا
أنا صح دبدوبه بس مهنا دميوم المعمل انهبلت الدختوره عيا يطلع مني دم
ويوم تعشيت قلت لازم أشرب على الأقل لتر مويه وما أروح أفرغ إلا مره وحده بس
 واروح أجيب لي كيسان المويه عشان تحدد لي لتر وأقعد أتقحن أتقحن طول اليوم
وكان إمتحاني الساعه 10 ونص
ومارحت للكليه الا الساعه 9 ونص
وكان برااااااااااااااااااااااد بشكل عنيف
المهم دخلت الامتحان وانا شايله هم هالشريحه وجا وقت اني اسويها
مسحت ابهامي بمسحه طبيه
وجبت دبوس وثقبت اصبعي وطلعت دماني
وش كثره على اصبعي ،، بس ابيه ينزل على الشريحه وعيّا
وتخنقني العبره واصلح شريحه وثنتين وثلاثه الى سته
توقف في النص ابيها تنمد بالشريحه ومعيهبعدين خربت أخلاقي وقلت بقريح وش فيها لو أحمل الماده
وكملت صبغه وحطيته تحت المجهر وطلع أنواع الخمبقه
ولقيت بدماني وورود وأشياء بنفسجيه حسيت أني ماااش
ومن قهري ماقطيت الشريحه جبتها معي البيت وصورتها
.jpg) وبغيت أحول وأنا بصورها من تحت المجهر
وهذي أوضح 3 صور
.jpg) وهذي واضح فيها كريات الدم الحمراء
.jpg) .jpg) واليوم الثلاثاء وها أنا أتسكع في النت ومالي نيه أذاكر
باتسر علي أرشيجونات وبيعني ربي إن شاء الله وأذاكر
يالله أشوفكم إن شاء الله ببلوق أخر عقب إمتحانات النظري إن شاء الله
وربنا يوفقنا وينجحنا ونتخرج من هالقرف بدون حمل
 يالله فمان التسريمDecember 11 تسره بسسره منهم
 وع عليهم
في أحد يبي يبادلني بهم
الله أبو عدوهم هبلوا بي ،، ماعد فيني حلم لعيالي منهم
 أجل اليوم عقب العصر بعد ماقررنا إن حنا نروح للحديثي يعني مافيه مقيال قرت بروح أكل بيوقلز بالجبنه أتذكره باقي من عيديتي ،، وأروح أدور وأدور وأدور ولا القى  طبعا ً للمعلوميه بس فاقده من عيديتي سنكرس وبونتي بس بقريح أهم شئ البيوقلز
وأطنقر إلا يطق بي عردز وأروح أسال العوبا *أختي الأنونه* قالت لي بكل ثقه : لا
قلت : أكيد
قالت بكل بجاحه : لو أني ماخذته كان قلت لس ليش أكذب عادي أصلاً
أروح لأمي قالت لي بكل برود : تستاهلين أنت الي حاطته عندهم تغرينهم وتقولين ليش تاخذون
أعنبوكم حاطته بغرفتي وهذي عيديتي كلكم أكلتوها ياجعلي السباه يوم أني ماقرشته من زمااااااااان
بعدين وأنا قاعده مع أم كشه *أختي الوسطى* ناداها بابي
وقلت لها : شوفي كانه خطبه قولي لهم ترى نونا موافقه انس تعرسين قبلي
قالت : تراني بعرس على ريان
 قلت : أبد أنا موافقه تعرسين هالصيفيه بعد
قالت : تراني بعرس على ناس واجد
قلت لها : أبد خذي راحتس وأن قال أبوي شئ قولي نونا موافقه وبيزوجونس
قالت : تراني ..
ولا كملت لان أبوي قاطعها وقال : تراني تراني وش بقيتي تعالي أبيس ضروري
صار عند الباب وسمع حتسيها عاد أم كشه أستحت وشلون تعبر عن حياها
توقعوا
بركت فوقي وعضتني مع جنبي عضه بغيت أموت منها
قولها : أنقلعي أنا وش دخلني
قالت : أنت الي خليتيني أستحي
ووربي أنها معلمه فيني للحين
وتعور بعد
ورحنا للحديثي وأنا نفسيتي تبن بعنف
وطبعاً ولا يخفى على كل من يعرفني أني لاضاق صدري لو جابوا لي ذبيحه أكلتها
وتقضينا شوي ويوم رقينا فوق وأم كشه يقالها بتراضيني قالت :بشتري لس شئ وش تبين
الا وتطيح عيني على وجبه من هرفي
سوبر تشيلي تشيكن
 قلت : أبي هذيقالت : عيب تونا متغدين بشري لس أنتي أنز
قلت : أنا أبي وجبه من هرفي كيفي وش دخلس أنت
وشرته لي ،، وشرت لها سينبون
المهم الساندويتش صار ضخم بعنف
وأنا أحب أستبدل البطاطس بحلقات بصل
 جت وأكلت معي حبه وكلت ثانيه
جيت أنا واستحيت وقلت لها ترا الساندويتش يكفيني اذا تبين حلقات البصل خوذيها
والله وتسنها تبيه من ربي وخذتها وقامت تبلتث وتقرش بعدين قالت : ياربيه ودي بمويه
وكملت بلتثه
بعدين قالت : شوي بس
وتمتخ الديو من عندي وتفتح الغطا وتشرب جغمه وأنا وجهي تسذا
 بعدين قالت : الحمد لله
وعادي جداً كنه ماصار شئ
وبعد ذلك بمده دقينا على وخينا يجي ياخذنا وركبنا السياره
ركبت أنا قدام وأم كشه وراي
المهم وانحسنا نبي صراف الراجحي بشوف هالمكافأه نزلت ولا لاع
وجينا عند إشاره وقال أخوي: قاطعها قاطعها الله لايعوقني بشر
قلت: محيميد ياويلك تقطع الاشاره
المهم لف مدري يمين ولا يسار أنا ساقطه بالاتجاهات
قلت وجهي يوحي بالذكاء الخارق : قلت صح الواحد عادي يلف يمين ولا يصير يقطع إشاره
قال: ايه صح
قلت أم كشه : الحين محمد لف يمين
قلت : أيه
قال:ايه ايه
وراح هو ويا أم كشه يغمز لها ويسوي لها حركات
قالت أم كشه : الحين انت من صدقس تقولين انه لف يمين ،، لف يسار يالخبله
قلت : عادي اليمين واليسار واحد أصلاً الإشاره للي يمشي سيده بس بس الي يبي يلف عادي مهوب لازم إشاره
قال محمد : صح صح
ما أمداني أسوي أي حركه الا أحس أني ماعاد أتنفس إلا الدبا زانطتني زنطه بغت تطلع عيوني من البرقع
وهي تقول ياغبيه الي مسموح لها يلف الي يمين بس
قلت لها : طيب في طرق تفهيم ألطف شوي عارفه أني بربرت عليكم بربره واجده وفخيسه بس سبيسي وأنا حره فيه بطلع فيه كل الي بسبدي
الخلاصه
وحده من ثنتين
انكم تاخذون عني أخواني جعلهم الصلاح
ولا تاخذوني انا أصير أختكم
وش رايكم
December 01 ۩دعاء للمكتعبات والمتسوسات۩الوحده لاضاقت بها الدنيا وحست بالطفش والاكتعاب المفروض انها ترجع لربها مهوب تحط توبيكاتها بالماسنجر ودي انتحر ،،
 مدري بهاجر ،، والا الثانيه الي تقول بنتحر وربي بيدخلني النار عشان كذا بنحرف قبل ... أعوذ بالله :(<<
الله يخلف على صقيقاتيجايبه لكم اليوم دعاء اخذته من أحد المنتديات لمن ضاقت عليها الدنيا  ربي عبدك قد ضاقت به الاسباب واغلقت دونه الابواب
وبعد عن جادة الصواب وزاد به الهم والغم والاكتئاب
وانقضى عمره ولم يفتح له الى فسيح مناهل الصفو والقربات باب وانت المرجو سبحانك لكشف هذا المصاب يامن اذا دعي اجاب وياسريع الحساب يارب الارباب ياعظيم الجناب ياكريم ياوهاب رب لا تحجب دعوتي ولا ترد مسألتي ولا تدعني بحسرتي ولا تكلني الى حولي وقوتي وارحم عجزي فقد ضاق صدري وتاه فكري وتحيرت في امري وانت العالم سبحانك بسري وجهري المالك لنفعي وضري القادر على تفريج كربي وتيسير عسري اللهم احينا في الدنيا مؤمنين طائعين وتوفنا مسلمين تائبين اللهم ارحم تضرعنا بين يديك وقومنا اذا اعوججنا وادعنا اذا استقمنا وكن لنا ولا تكن علينا اللهم نسألك ياغفور يارحيم ان تفتح لادعيتنا ابواب اجابة يامن اذا سأله المضطر اجاب يامن يقول لشيء كن فيكون اللهم لا تردنا خائبين واتنا افضل مايؤتى عبادك الصالحين اللهم لا تصرفنا عن بحر جودك خاسرين ولا ضالين ولا مضلين واغفر لنا يوم الدين برحمتك ياارحم الراحمين اللهم امين
November 27 20\10رجعت يوم الثلاثاء من الكليه مكتئبه ونفسيتي تبن امي مانامت بالبيت قاعده عند عمتي وخالي يقولون انه بالمستشفى م بس كان قلبي يوجعني .. اول ماوصلت للبيت لقيت سيارتنا كلها برا على غير العاده قلت بس صاير شئ.. دخلت البيت لقيت الصاله مافيها احد قام قلبي يمغصني هو فيه شئ بس مين ؟؟! يمكن خالي بعدين جا ببالي شكله يوم العيد وهو يوزع العيديات ويوم الخميس الي فات كان يبي يمر وتنحنح وقاموا الحريم يختبصون قال ارتاحو وتغطى بشماغه ومر قلت لنفسي تعوذي من ابليس ياشيخه الله يخليه لنا وش حنا بدونه ،، يمكن عمتي هي التعبانه وربي يبي يريحها من الي تعانيه وانا على الدرج سمعت اختي تصيح وتقول :لا ابوي مايقدر يوديني يقول يبي يروح بسيارة الجنازه.. انهبلت مع اني كنت متوقعه قلت المهم مين ؟؟ بعدين سمعت ابوي يقول لاخوي كلنا بنموت وهذي سنة الحياة ومن هالحكي في هاللحظه وربي مااقدر اوصف وش كان شعوري سمعت صوت ابوي يقول لاختي الصغيره يوم سالته وش فيكم ؟؟ قال واحد مات بنروح نصلي عليه !! واااااحد !! رحت للغرفه اركض لقيت اختي سألتها مين عمتي ولا خالي ؟؟ طالعتني وقعدت تصيح قلت : خالي محمد صح!!
اللهم اغفر له وارحمه واعف عنه ،،وأكرم نزله ووسع مدخله،، واغسله بالماء والثلج والبردونقه من الخطايا كما ينقى الثوب الأبيض من الدنس ،،وأبدله دار خير من داره وأهل خير من أهله وزوج خير من زوجه ،،وأدخله الجنه وأعذه من عذاب القبر والنار .. اللهم امين
|
||||||
|
|
